原諒我潛左水好Q耐，飛耐左飛多左，再奇怪嘅事都覺得平凡，而且返工飛太多，放左工都冇乜力氣寫野。寫去旅行嘅野你地都可以上網睇嗰啲靚仔靚女KOL曬樣曬身材，冇必要睇我呢個出樣都冇人想睇嘅人；寫政治又怕比人鬧又怕白色恐怖。睇黎鬼故有市場，今次我講下酒店嘅故仔啦。
🏨👻🏨👻🏨👻🏨👻🏨👻🏨👻
你地估下「鬼」最怕咩？
佛經？聖經？道士？
聖 哈 利 路 亞 ？
係大媽啊，話說有大媽嘅地方就會冇鬼，因為大媽實在太嘈，嘈L到鬼都驚。
🇨🇳 👩🏻🦱👩🏻🦱👩🏻🦱👩🏻🦱👩🏻🦱👩🏻🦱
話說呢，前排某航空公司秘密網話某日本航點酒店有鬼，真心講我初初飛嗰兩年都真係有試過有事發生，不過自從多左大陸團入住之後，次次做都可以一覺訓天光，多得大媽們著住白色睡袍夜媽媽，無啦啦無定向無定時喺走廊尾大叫去𨋢口，人都驚啦，係咪？
好耐之前呢，最短嘅過夜機，沖完涼諗住上床訓，然後點都訓唔到，硬係間房有啲野咁樣，差唔多訓著之際突然喺背後，聽到一把男人嘅聲講野，但又唔知係乜話，大概係老人家口中嘅「鬼食泥」
當堂估到發生咩事，嗱嗱聲戴返佛牌，再念佛教六字真言想整走條佬，頂！都係唔走！
嗱嗱聲再講廣東話六字真言「DLLMGH」
靜哂，但隔左陣喺床尾張枱有怪聲，聽到疑似跳上跳落嘅聲 🌚
距離WakeUp Call只有3個鐘，我真係好需要訓，唯有硬住頭皮摸黑起身，指住張枱一口氣講粗口鬧左半分鐘，再叫佢過隔離房。
然後我就一覺訓天光 ☀️
溫馨小提示
1. 唔好住我隔離房，因為我會叫佢過隔離
2. 當一切宗教信仰鎮唔住，用你最流利嘅語言講粗口係最有用
3. 住一啲多大媽住嘅酒店
祝大家今晚有覺好訓 😏
Btw 相中酒店並非該酒店
Search